លោក ស៊ូ ភិរម្យ អភិបាលស្រុកបូរីជលសារ អញ្ជើញចុះសួរសុខទុក្ខ និងនាំយកអំណោយជូនដល់វីរៈកងទ័ព

តាកែវ៖ នាថៃ្ងរសៀល ថ្ងៃពុធ ទី២៣ ខែកញ្ញា ឆ្នាំ២០២៦ លោក ស៊ូ ភិរម្យ អភិបាល នៃគណៈអភិបាលស្រុកបូរីជលសារ បានអញ្ជើញចុះសួរសុខទុក្ខ និងសំណេះ សំណាលជាមួយ ពលឯក លៀង ភក្ដី វីរៈកងទ័ពបម្រើការក្នុងវរៈសេនាតូចថ្មើរជើងលេខ៣១៤ កងពលតូចថ្មើរជើងលេខ៣១ យោធភូមិភាគ៣ ដែលបានអញ្ជើញមកលេងគេហដ្ឋាន ស្ថិតនៅក្នុងភូមិកណ្ដោល ឃុំគោកពោធិ៍ ស្រុកបូរីជលសារ ខេត្តតាកែវ ។
មានការអញ្ជើញចូលរួមអមដំណើរពីសំណាក់ លោកមេបញ្ជាការផ្នែកសឹករងស្រុក លោកអធិការរងនគរបាលស្រុក លោកមេបញ្ជាការរងមូលដ្ឋានកងរាជអាវុធហត្ថស្រុក លោកអនុប្រធានការិយាល័យសង្គមកិច្ចនិងសុខុមាលភាពសង្គម លោកមេឃុំ លោកនាយប៉ុស្តិ៍នគរបាលរដ្ឋបាលឃុំ និងលោកមេភូមិ។
ក្នុងឱកាសនោះដែរ លោក ស៊ូ ភិរម្យ បាននាំយកនូវអំណោយជាគ្រឿងឧបភោគបរិភោគ និងថវិកាមួយចំនួនឧបត្ថម្ភជូនដល់វីរៈកងទ័ព រួមមាន៖ អង្ករ ២៥ គីឡូក្រាម
មី ០១ កេស ទឹកក្រូច ០១ កេស ទឹកសុទ្ធ ០១ កេស ព្រមទាំងថវិកាមួយចំនួន ៕