លោក ងួន ឌីណា ដឹកនាំគណៈកម្មការសមាគម អ.ន.ក ស្រុកគិរីវង់ នាំយកអំណោយ និងថវិកាជូនគ្រួសារសពអតីតយុទ្ធជនចំនួន ២គ្រួសារ

តាកែវ៖ នាព្រឹកថ្ងៃទី២០ ខែកក្កដា ឆ្នាំ២០២៦ លោក ងួន ឌីណា អភិបាលស្រុកគិរីវង់ និងជាប្រធានគណៈកម្មការសមាគម អ.ន.ក ស្រុកគិរីវង់ បានដឹកនាំគណៈកម្មការសមាគម អ.ន.ក ស្រុក នាំយកថវិការបស់សមាគម និងគ្រឿងឧបភោគបរិភោគរបស់ ឯកឧត្តម សុខ សូកាន ប្រធានក្រុមការងារចុះមូលដ្ឋានស្រុកគិរីវង់ និងជាប្រធានកិត្តិយសសមាគម អ.ន.ក ស្រុក គោរពជូនដល់គ្រួសារសពអតីតយុទ្ធជនចំនួន ២គ្រួសារ នៅក្នុងមូលដ្ឋានស្រុកគិរីវង់ ខេត្តតាកែវ។
ក្នុងឱកាសនោះ គ្រួសារនីមួយៗទទួលបានថវិកាចំនួន ៤,០០០,០០០រៀល ព្រមទាំងអំណោយជាគ្រឿងឧបភោគបរិភោគ រួមមាន អង្ករ ២៥គីឡូក្រាម ទឹកសុទ្ធ ១កេស ទឹកក្រូច ១កេស មីជាតិ ១កេស ទឹកត្រី និងទឹកស៊ីអ៊ីវ។
គ្រួសារសពអតីតយុទ្ធជនដែលទទួលបានការឧបត្ថម្ភ រួមមាន៖
១. គ្រួសារសពលោក អ៊ី ប្រុស និវត្តន៍ជន រស់នៅភូមិកំពង់ ឃុំព្រះបាទជាន់ជុំ។
២. គ្រួសារសពលោក ទិត្យ សារឿន និវត្តន៍ជន រស់នៅភូមិដើមរំដែល ឃុំសោម។
សកម្មភាពនេះ ជាការបង្ហាញពីការយកចិត្តទុកដាក់ និងការចូលរួមចំណែករបស់សមាគម អ.ន.ក និងអាជ្ញាធរមូលដ្ឋាន ក្នុងការជួយសម្រាលការលំបាក និងផ្តល់ការគាំទ្រដល់គ្រួសារអតីតយុទ្ធជន ដែលបានលះបង់កម្លាំងកាយចិត្តបម្រើជាតិ និងប្រជាជនកន្លងមក។