តាកែវ៖ នារសៀលថ្ងៃអង្គារ ទី៩ ខែមិថុនា ឆ្នាំ២០២៦ នេះ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញដឹកនាំកិច្ចប្រជុំគណៈកម្មការរដ្ឋបាលសុរិយោដី និងគណៈកម្មាធិ ការគ្រប់គ្រងដីរដ្ឋថ្នាក់ខេត្ត ដើម្បីពិនិត្យ ពិភាក្សា និងជំរុញវឌ្ឍនភាពការងារគ្រប់គ្រងដីធ្លី និងដីរដ្ឋនៅក្នុងភូមិសាស្ត្រខេត្តឱ្យកាន់តែមានប្រសិទ្ធភាពខ្ពស់។

កិច្ចប្រជុំនេះមានការអញ្ជើញចូលរួមពី៖ លោក លោកស្រី អភិបាលរងខេត្ត លោកនាយករដ្ឋបាលសាលាខេត្ត និងលោកនាយទីចាត់ការពាក់ព័ន្ធលោក លោកស្រី ប្រធាន-អនុប្រធានមន្ទីរ អង្គភាពពាក់ព័ន្ធជុំវិញខេត្តលោក លោកស្រី អភិបាលក្រុង-ស្រុក ទាំង១០ នៃខេត្តតាកែវ។

កិច្ចប្រជុំនេះរៀបចំឡើងក្នុងគោលបំណងពង្រឹងការគ្រប់គ្រង អាស្រ័យផល និងដោះស្រាយរាល់បញ្ហាប្រឈមនានាពាក់ព័ន្ធនឹងដីធ្លី និងដីរដ្ឋ ស្រប តាមគោលនយោបាយ និងច្បាប់ជាធរមាន ដើម្បីធានាបាននូវតម្លាភាព គណនេយ្យភាព និងការអភិវឌ្ឍប្រកបដោយចីរភាពក្នុងខេត្តតាកែវទាំងមូល ដែលកិច្ចប្រជុំនេះបានរៀបចំឡើងនៅសាលប្រជុំធំរដ្ឋបាលខេត្ត ៕