ថ្ងៃទី២៩ ខែមិថុនា ឆ្នាំ២០២៦ ក្រុមការងារមន្ទីរធនធានទឹក និងឧតុនិយម សហការជាមួយគណ:កម្មាធិការគ្រប់គ្រងដីរដ្ឋថ្នាក់ខេត្ត និងអាជ្ញាធរមូលដ្ឋាន បានចុះពិនិត្យដល់ទីតាំងជីកដីស្តារអាងរកាក្នុងឃុំស្លា ស្រុកសំរោង និងទីតាំងចាក់ដីកក្នុងភូមិដីក្រហម ឃុំសំរោង ស្រុកសំរោង ខេត្តតាកែវ។

សូមបញ្ជាក់ថា រាល់ឆ្នាំប្រតិបត្តិករទឹកស្អាតបត់រកាតែងជួបបញ្ហាខ្វះប្រភពទឹកនៅរដូវប្រាំងសម្រាប់ផលិតទឹកស្អាតផ្គត់ផ្គង់ប្រជាពលរដ្ឋជាង៨០០០គ្រួសារក្នុងស្រុកសំរោង។ នៅឆ្នាំ២០២៤ ក្រសួងធនធានទឹក និងឧតុនិយម បានអនុញ្ញាតឱ្យប្រតិបត្តិករស្តារអាងបត់រការចំនួន ៥ហិកតាដើម្បីដោះស្រាយកង្វះខាត។

កន្លងមកក្រុមហ៊ុនស្តារសម្រេចបាន ៣,៩០ហិកតា និងស្នើស្តារបន្តចំនួន ១,១០ហិកតាទៀត។ ចំពោះការចាក់អាចម៍ដី គឺចាក់លើដីកម្មសិទ្ធក្បាលដីលេខ៣០៦ និងលេខ ៤១៣ និងមានការរំលោភចូលដីដែលអាជ្ញាធររក្សាទុកជាសម្បត្តិរួម។