ក្រុមហ៊ុន មន សោភ័ណ្ឌ ធ្វើផ្លូវគម្រោងមូលនិធិ ឃ្លា ស្រុកកណ្តាលស្ទឹង រងការរិះគន់ពេញបណ្តាញសង្គម ខណៈកម្មការលទ្ធកម្មនៅស្ងៀម

តើក្រុមហ៊ុន មន សោភ័ណ្ឌ ធ្វើផ្លូវគម្រោងមូលនិធិឃុំរការ ស្រុកកណ្តាលស្ទឹង ឆ្នាំ២០២៦ មានស្តង់ដារដែរឬទេ? បើធ្វើមិនទាន់បានមួយខែស្រួលបួលផង បែជាមានសភាពមានទ្បើងក្បាលថ្ម ខ្សាច់ និងមានស្នាមប្រេះ ជាច្រើនកន្លែង។

តើលោកមេឃុំរការ មានបានដឹងព័ត៌មាន នេះដែរឬទេ? តើគួរបើកលុយអោយក្រុមហ៊ុនខាងលើដែរឬទេ? ហើយលោកមេឃុំគួរមានវិធានការយ៉ាងណា? ចំពោះក្រុមហ៊ុន មន សោភ័ណ្ឌ? បើធ្វើផ្លូវមិនទាន់បានមួយខែផង ផ្លូវមានសភាពបែបនេះទៅហើយ។

សូមលោកមេឃុំដែរជាប្រធានគណៈកម្មការលទ្ធកម្ម និងលោក អ៊ូច សៅវឿន អភិបាល នៃគណៈអភិបាលស្រុកកណ្តាលស្ទឹង និងលោកប្រធានការិយាល័យផែនការ និងគាំទ្រឃុំ ព្រមទាំងមន្ត្រីបច្ចេកទេសខេត្តកណ្តាល មេត្តាជួយពិនិត្យមើលក្រុមហ៊ុន មន សោភ័ណ្ឌ នេះផង។