នាព្រឹកថ្ងៃទី ១៥ ខែមិថុនា ឆ្នាំ២០២៦ លោក ឌឹម គឹមសាន អភិបាលនៃគណៈអភិបាលក្រុងដូនកែវ ព្រមទាំងលោកអភិបាលរងក្រុង

បានដឹកនាំមន្ត្រីជំនាញ ចុះពិនិត្យស្ថានភាពផ្លូវក្រុងលេខ ៣៣ ក្នុងរដូវវស្សានេះ ដើម្បីវាយតម្លៃស្ថានភាពជាក់ស្តែង និងតាមដានផលប៉ះពាល់ដែលអាចកើតមានពីជំនន់ទឹកភ្លៀង ជាពិសេសប្រព័ន្ធលូបង្ហូរទឹក

ក្នុងឱកាសនោះ លោកអភិបាលក្រុងបានណែនាំដល់មន្ត្រីជំនាញពាក់ព័ន្ធឱ្យបន្តតាមដានស្ថានភាពផ្លូវ ប្រព័ន្ធលូរំដោះទឹក និងហេដ្ឋារចនាសម្ព័ន្ធនានា ដើម្បីធានាបាននូវការធ្វើចរាចរណ៍ប្រកបដោយសុវត្ថិភាព និងសម្រួលដល់ការរស់នៅប្រចាំថ្ងៃរបស់ប្រជាពលរដ្ឋ។

រដ្ឋបាលក្រុងដូនកែវ នឹង បន្តយកចិត្តទុកដាក់ និងចាត់វិធានការចាំបាច់នានា ដើម្បីដោះស្រាយបញ្ហាប្រឈមដែលអាចកើតមានក្នុងរដូវវស្សា សំដៅធានាសុវត្ថិភាព និងសុខុមាលភាពរបស់ប្រជាពលរដ្ឋទាំងអស់ ។